شاركت ريما الرحباني ابنة المطربة الكبيرة فيروز، متابعي صفحتها الرسمية على موقع التواصل الاجتماعي فيسبوك، منشورًا طويلا، كشفت خلاله عدم قدرتها على تقبل فكرة رحيل شقيقيها.
وكتبت ريما “نقطة عالحرف، أنا بطبيعتي بحب وزع فرح على الناس كل الناس عاللي حوليي محبين أو لأ، وبحب الضحك بحب إضحك على كل شي حتى على حالي حتى بالحزن، بشوف الحياة لا تُطاق بدون الضحك! وكتير بحب فرح قلوب اللي حوليي، قراب وبعاد، هيك بشوف الحياة، هاي طريقتي وطريقي.. كون حدّن، شيل الهم عن قلبُن وقدم فرح، هيدا فرحي الوحيد”.
ريما الرحباني
وتابعت ريما “وبس حس ما عندي شي قدّمه إلا الحزن، بفل وبختفي. ما بعرف شارك حزني، ما بعرف شارك إلا فرحي.. يمكن أنا غلط! هيك بيضلوا يقولولي أصحابي! بس ما عم إقدر كون غير هيك! وبختفي بختفي عن الكل وعن كل شي! حتى عن الصحاب والقراب، كأني بعمري ما كنت”.
وأضافت “تلات سنين عم يجوا الضربات ورا بعضُن، كل ضربة أقوى من التانية، هالشي ما عاد خلاني شوف ولا أي ضو إِتمسك فيه، فا إختفيت وإختفيت!”، مشيرة إلى أنها تكره الواجبات وتعترف بتقصيرها في القيام بها بالنسبة للمجتمع “أما بالنسبة إلي، غير مُعترف فيهُن أساساً، لا بالحياة ولا بالتصرف! يا بعمل الإشيا متلما بحسها، يا ما بعملها! وفكرة العزا والتعزية، بحياة عمري ما إقتنعت فيها، أنو شو العزا والواجبات؟ أية واجبات؟ الحياة واجبات وتمثيل؟ ولا إحساس وصدق!؟ ومين رح يقدر يخفف عني؟ أكيد ما حدا لأن في إشيا بالحياة ما بتتبلع، وما حدا مُمكن يساعدني أصلاً إبلعها وما بطيق ولا مقتنعة بتغيير الجو!”.
ريما الرحباني: بعدني ما بكيت إخوتي
وأشارت ريما إلى أنها أدركت أن غيابها طال حتى عن الأصدقاء الذين كانت لا ترد عليهم، وأن هناك رسائل على هاتفها لم تفتحها وتقرأها منذ سنتين ونصف “وبلشت شوي شوي فتح بهالرسايل، وشوي شوي إرجع على الحياة، بس بصراحة بصراحة؟ بعدني ما تصالحت مع الفكرة!، شايفيني عم إحكي ونظم وحط نقط عالحروف وماسكة زمام الأمور، بس أنا أنا بعدني ما بلعتها ولا استوعبتها”.
وأكدت أنها مازالت تشعر بوجود زياد في الدنيا، وأنها سوف تذهب لزيارته، أو أنها سافرت وستعود إلى شقيقها هلي والذي ظل معها كل حياتها ولم تفارقه لحظة “كرهانة البيوت اللي كانوا فيها معي ويمكن هربانة منها، حتى لا تحسسني بحقيقة غيابهم، كيف يعني يفلُّوا؟ كيف يعني أوعى نهار لاقي كل إخوتي فلُوا؟ كيف وليش؟ أكيد لأ، أكيد مش صحيح، أكيد رح يِرجعوا، لهيك ما بدي إبكي ورافضة إبكي وعاجزة إبكي! وأكيد أكيد رح نرجع نتلاقى!”.
وفاة زياد وهلي الرحباني
جدير بالذكر أن الموسيقار زياد الرحباني رحل عن عالمنا في يوليو 2025، وبعد وفاته بـ 6 أشهر توفي شقيقه هلي الرحباني في يناير 2026.
اقرأ أيضا
هالة صدقي توجه رسالة لـ شيرين عبدالوهاب بعد حفلها بالساحل
من كلمات مصطفى حدوتة.. محمد منير يطرح أغنية يسألوا عنك قريبا
بحضور نجوم الفن.. 23 صورة من حفل شيرين عبدالوهاب في الساحل الشمالي
