أعلن أحمد عبد الرحيم إيشو لاعب نادي الزمالك الشاب، تجديد تعاقده مع الفريق الأول لكرة القدم بالنادي، معربا عن سعادته بهذه الخطوة رفقة الفارس الأبيض.
وجاء تجديد عقد إيشو، بعد إعلان الفارس الأبيض أمس رحيل عدد من لاعبي النادي الشباب بشكل مجاني، خلال فترة الانتقالات الصيفية الجارية 2026.
إيشو يعلن تجديد تعاقده مع نادي الزمالك
وكتب أحمد عبد الرحيم إيشو عبر حسابه الرسمي، على موقع التواصل الاجتماعي “فيس بوك”: “اليوم مش مجرد توقيع على عقد جديد، لكنه تأكيد على حكاية عمرها ما كانت مرتبطة بورقة أو رقم”.
وأضاف: “الزمالك هو المكان اللي بدأت فيه أول خطوة في مشواري، والنادي اللي اتعلمت فيه معنى الانتماء، وقد إيه القميص ده له قيمة ومسؤولية كبيرة وفضل كبير عليا”.
وتابع: “طول الوقت كنت مؤمن إن واخد القرار الصح واللي حد يتمناه وعشان كده، كان هدفي إني أكمل في المكان اللي بحبه، وسط جمهور عمره ما كان مجرد جمهور بالنسبة لي، لكنه جزء من كل لحظة عشتها داخل النادي”.
وواصل: “في زمن بقت فيه الشائعات أسرع من الحقيقة، أتمنى إن محدش يصدق كل كلمة بتتكتب أو تتقال على السوشيال ميديا، لأن الحقيقة عمرها ما كانت كلها هناك اللي يعرفني بجد، عارف أنا مين، وعارف قد إيه الزمالك بالنسبة لي حاجة كبيرة وبيتي فعلا اللي تربيت فيه وإن انتمائي عمره ما كان بالكلام”.
واختتم إيشو: “الحكاية مستمرة، وإن شاء الله اللي جاي يكون أجمل وأحسن، وأقدر أرد جزء بسيط من حب وثقة جمهور الزمالك داخل الملعب، لأني في الآخر واحد منكم وفخور إني كبرت وسطكم”.
أقرأ أيضًا:
جلسة حسمت الأمر.. الكشف عن سبب غياب محمد صلاح عن مباراة طرابزون وجوزتيبي الودية
