تحدثت الفنانة مديحة حمدي عن علاقتها بالفنانة الراحلة سميحة أيوب، وكشفت تفاصيل مؤثرة عن الفترة التي أعقبت وفاتها، موضحة أنها شاركت في غسل جثمانها.
وقالت مديحة حمدي، خلال لقاء تلفزيوني مع الإعلامية نهال طايل، ببرنامج “تفاصيل” المذاع على قناة “صدى البلد 2″، عن مشاركتها في غسل الراحلة سميحة أيوب: “مقدرتش أسيبها، وموقف صعب، وقعدت يعني أقولها إنتي سامعاني، والله بوستها من أول راسها لحد رجلها.. أنا عارفة إنك سامعاني”.
وتابعت: “ساعات كنت لما أخلص شغلي وقاعدة لوحدي، فأقول أنا قريبة مثلًا من التلفزيون، أروح أقعد مع مدام سميحة، فساعات أنسى وييجي في بالي أعدي عليها، لكن مفيش دلوقتي مدام سميحة، لكن حاسة إنها لسه عايشة معانا ومماتتش”.
مديحة حمدي عن سميحة أيوب
وتحدثت مديحة حمدي عن الجانب الشخصي في حياة سميحة أيوب، قائلة: “ست بيت جدًا، تطبخ حلو قوي ومؤسسة قائمة بذاتها، تعمل شعرها بنفسها، مانيكير، باديكير، قص”.
وأضافت: “مرة قعدنا ندردش مع بعض، قعدنا من الساعة 7 بتتكلم، بصيت لقينا الساعة 3 الصبح، بتحكيلي سيرتها الذاتية، وأنا استمتعت جدًا، ولو تقدر تعمل أي حاجة لأي حد، متتأخرش أبدًا إنها تعملها، ومش من النوع اللي بيغتاب ولا ينم، اللي بيروح مبيجيش زيه”.
اقرأ أيضًا:
فستان أحمر قصير.. بسمة بوسيل تتألق في أحدث ظهور لها ـ صور
روجينا بإطلالة شبابية مع أشرف زكي والجمهور: “بحبكم أوي”
مهرجان كلباء.. ندوة عن المسرح العالمي ودوره في تطوير المواهب الإخراجية
بعد تصريحات رئيس الأوبرا.. مروة ناجي تعتذر عن المشاركة في مهرجان الموسيقى العربية
