شاركت النجمة الكبيرة شمس البارودي جمهورها ومتابعي حسابها الرسمي على موقع التواصل الاجتماعي فيسبوك فيديو دافعت خلاله عن الفنانة شهيرة، مؤكدة أن مهاجميها لا يمكنهم الوصول لرقيها وإخلاصها وجمالها.
وقالت شمس في الفيديو “عايزة أدافع عن شهيرة، إنتوا إيه إنتوا ما تقدروش توصلوا لرقي الست دي وإخلاصها وجمالها، ماكانتش أنتيمتي هي التزمت بعدي بفترة، وكنا بنتجمع عند هالة فؤاد وقت مرضها”.
شمس البارودي تتحدث عن شهيرة ورعايتها لـ محمود ياسين
وتابعت “وكان حبيب قلبي جوزي يقولي كلمي شهيرة اسألي على محمود، النجم الكبير اللي الكل كان يتمنى يشتغل معاه، المهم كانت تحكيلي عن حاجات، متخيلين هذه الزوجة التقية المخلصة البارة بزوجها 5 سنين يا حبيبي مش عارف حد غيرها، كانت تحكيلي حاجات لما كنت أسمعها أقول أنا ما أقدرش أعمل اللي هي بتعمله، قعدت 5 سنين ترعاه إلا في الفترة الأخيرة، وجابتله سرير طبي في البيت، ولما حبيبي تعب أنا قلدتها وجبت سرير طبي وعملت الأوضة كلها عناية مركزة”.
وانتقدت شمس مهاجمي شهيرة “إزاي بتهاجموا الست دي، على فكرة فيه حاجة اسمها قانون العيب، أنا عايزة الريس يفعل القانون ده، وحقها إنها تطلع وافرضوا عايزة تمثل، ممكن تعمل الأم ويجيلها ملايين وتعمل تجميل زي اللي بيعملوا، ده فيه داخلين على التسعين وشكلهم صغير، شاطرين براحتهم معاهم فلوس، إحنا الحمد لله مستورين، وتشتغل ما تشتغلش ليه وابنها مؤلف ناجح جدا”.
شهيرة تشكر شمس البارودي
وأشارت شمس إلى أن شهيرة هي حب عمر محمود ياسين: “ما تقعدوش تقولوا لايق مش عارف على مين، ده تمثيل، هي وقفت جانبه وهو حبها وإداها عمره وقرشه كان لمراته وعياله”.
وعلقت شهيرة على فيديو شمس، وكتبت “حبيبتي الشموسة الحلوة الراقية صاحبة القلب الصافي، جزاكي الله خيرا عني ورزقك كل ما تتمني، ويتقبل الله منك صالح الأعمال، شكرا يا حبيبتي على دعمك ليا ولما لا وهي أخلاق الكرماء وإنتي أهله، ربنا يديم بنا المعروف ويهدي الجميع يا رب”.
جدير بالذكر أن الفنانة شهيرة تم تكريمها مؤخرًا من المهرجان القومي للمسرح المصري برئاسة الفنان محمد رياض، وأقيم لها ندوة لمناقشة كتاب “شهيرة.. أيقونة الزمن الجميل” الذي يحكي مسيرتها الفنية، كتبه المخرج عمر زهران.
اقرأ أيضا
بعد فترة من الغياب.. عفاف راضي تعود بأغنية “الذكريات”- فيديو
